宜家啲天氣甘乾，同事都話要入啲保濕mask，保濕係一年四季都應該要做架啦~但有啲client皮膚真係好乾,傾開計發現佢地都無疏於保濕功夫,但都仲 係事與願違。 如果你都有同樣情況，可能係深層清潔做得不夠，角質層block住咗毛孔,影響吸收,甚至會乾到出油，不妨試下mask界始祖-Borghese的海底泥面膜。 首先要清潔咗塊面先，跟住先可以fu Borghese的海底泥面膜。 我就唔建議成塊面甘fu,重點focus喺T字位,鼻同下巴呢啲易出油,易有黑頭粉刺位置，因為始終Borghese三種顏色都偏乾，而且不能fu得太耐，大概2-5分鐘就夠啦,如果唔係,會傷皮膚,甚至造成脫皮現象架! 2-5分鐘後要用溫水加清潔面部的pad清洗乾淨，你會發現毛孔啲黑頭會被洗走曬,好乾淨!之後再好似平時甘搽返toner,精華同保濕cream,一個星期做1-2次就夠了。 大家不妨試下~
The secret of beauty
三白眼的救星:大眼仔!!
尋晚同個朋友去咗銅鑼灣行街，其實係想搵佢陪我配con,我平時連眼鏡都唔戴架,雖然有二百度左右近視，中學到宜家,配過兩副眼鏡，一次係第一次驗到有近視配架,另一次,好似係俾人拉去配(有discount),但甘多年黎我戴眼鏡次數,加埋10隻手指都數得曬。唔好問我點生存到，其實我慣咗都無乜問題,話時話,M先生都未見過我戴眼鏡個樣。 但尋晚因為朋友OT關係，成九半幾先出到銅鑼灣，最後都係直接去醫肚，無配到Con.點解我要配con,因為一路都想試下戴大眼仔，只係無勇氣將異物放入眼球,迟迟未行動啫~下個月要去飲,趁呢個機會”突破”下先。 其實我未揀定去邊間配,which is我覺得邊間眼鏡舖都一樣，同埋我唔會要啲奇怪色,prefer黑色同深啡色，話時話，唔諗住配con都唔會留意我係傳說中的三白眼(朋友講架),咩係三白眼，即係甘: 對眼向水平線望,你會見到出現咗三個眼白部份,我甘啱係下三白眼,有啲人就係上三白眼,嚴重啲0既,有四白眼,甘個黑眼球真係會好細囉，唔怪得朋友話如果我戴咗con,應該會好大分別啦~ 我見到有sis 試咗呢隻色出埋blog,好似都好OK咁喎: 佢都係三白眼架喎原來。 等我下次真係配成功再同大家分享下先~
The secret of beauty
EQ低唔應該生仔?
幾 日前有朋友喺facebook share咗佢目睹一名非常媽媽作勢將鬧情緒的女兒推落MTR路軌，朋友質疑「EQ低的人不應生仔」。同14巴港女事件一樣，朋友雖然對呢件事繪聲繪影， 我又覺得，睇野唔可以單睇表面，你點知個媽媽生活有幾大壓力,個囡囡有幾難教，唔可以一刀切斷定一定係個媽媽唔啱。 家長於街頭以打罵方式教仔屢見不鮮。之前就有有「虎媽」將未滿三歲、扭緊計的兒子塞進垃圾箱，行為令途人側目；另外，也試過有四歲男童在商場「扭計」要買糖，遭「躁媽」掌摑，途人勸阻卻遭「躁媽」反罵「教仔唔關你事」，結果個媽媽因為涉虐兒被捕。 我 又唔係話呢啲非常媽媽做法值得認同，只係會諗背後促使呢件事發生的因素，搵到問題徵結先可以解決到架嘛。我係一個尚算幸福的港孩(call me 港女if u like),自細亞媽亞爸都唔會點出動到「武力鎮壓」,(所以宜家先俾佢地話縱得我太多),反而係講道理，幾時都話,講到你服,是為”日哦夜哦”也,哈~ 所以我由細到大都唔會怕父母,駁嘴駁舌得黎,會懂得尊重佢地老人家,可以像friends般相處,唔係靠惡形惡相架~ 我都好相信，子女係父母的倒模,你點做,佢點學,我希望第時如果一個唔好彩生到啲好似事件中啲細路甘頑皮,上天真係要賜多啲EQ俾我去駕馭呀!