home »
Posts tagged "無痛脫毛"
The secret of beauty

粉紅革命:國際乳癌關注月

女人,真係有好多野要煩,煩減肥、煩keep fit、煩拍拖、煩家庭、煩結婚、煩護膚、煩仔女、煩老公… …仲要煩女人病。 做女人真難,已經要忍受生仔M痛之苦,有啲病,可以話係女人專利,例如以前亞媽年代令人聞風喪膽的”乳癌”!! 踏入10月,周不時都在facebook見到由癌症基金會發起關注乳房健康的十月「粉紅革命」。今年的代言人轉咗法拉同李玟,都見陸陸續續有商家加入呢場粉紅革命,用曬名人又用曬不同商家。 基 金會為咗響應國際乳癌關注月,喺社會唔同層面推動粉紅活動,令人印象深刻0既係兩個代言人的「粉紅服飾日」廣告;另外走入商場,唔難發現最近多咗啲粉紅色 產品:好似帝苑酒店及agnès b. CAFÉ特地推出粉紅色的糕點;護膚品牌INGRID MILLET、CK內衣等,又向購買指定粉紅色產品或向穿粉紅衣的顧客提供優惠。 整個Marketing Plan以鮮粉紅色貫穿,既吸引眼球,加上合作商在不同範疇「發功」,營造鋪天蓋地宣傳果效,以「革命」來形容確不為過。甘大陣仗,都係想提醒各位女士要定期做檢查,預防勝於治療,萬一不幸患上,都可以及早就醫,存活率都高好多。 善事唔怕做,如果你工作環境許可的話,不妨多啲穿著粉紅色衣物,提醒下身邊啲sisters,一齊響應國際乳癌關注月啦!

read more
The secret of beauty

止汗劑大比拚

  一路都知道用止汗劑係唔好架,我喺嗰啲M痛到抽筋都要忍住唔食止痛藥嗰挺人,係有啲硬頸,但我真係覺得put too much化學野上身/食落肚,最後埋單嗰個一定係自己個body,無理由攞自已身體靠菲架嘛~ 不 過不用不用,有啲時候,還須用的~例如好似宜家熱到坐喺到度出汗,office冷氣又唔夠,真係唔想一返到公司就成陣”除”,lady黎架嘛,點可以甘 啫.所以我沖涼完都會用bb爽身粉,朝早出街,如果真係太熱,都揀無可揀要用止汗劑架啦。唯有儘量揀啲好似無甘有害的黎用囉。 今日就同大家喺cosmo度搜索咗啲止汗劑比拼! 以下內容摘至:http://cg.cosmopolitan.com.hk/beauty/beauty-insight/summer-dedorant-test/page/0/2 走珠式 走珠設計的止汗劑,可以容易控制塗搽範圍,而且質地較噴霧式的黏附性高,效果會更持久。 The Body Shop蘆薈香體止汗劑   $109/50ml 設計:走珠式 特點:性質溫和,適合容易敏感肌膚使用 香味:淡淡蘆薈清香 止汗度:★★★★☆(四星半) 持久度:★★★★☆(四星半) 總評:蘆薈味聞上去好清,止汗效果可以維持一日以上,配方亦適合敏感肌使用。   L’occitane 淨化香體露   $170/50ml 設計:走珠式 特點:蘊含檸檬、小豆蔻及由加利精華油,發揮香體作用香味: 清新的草本香味 止汗度:★★★☆☆ 持久度:★★★☆☆ 總評:止汗效果尚可,加入3種精華油,聞上去感覺很天然,唯用完感覺有點黏笠,不夠乾爽。   NIVEA淨白止汗香氛   $31.9/50ml 設計:走珠式 特點:蘊含檸檬、小豆蔻及由加利精華油,發揮香體作用香味:有淡淡的花香味,聞落都算舒服。 止汗度:★★★★☆ 持久度:★★★★☆(4星半) 總評:質素真係唔錯,各方面都做得幾好,夏天出成日街都keep到效果,最重要係價錢平,實在係抵買之選!   止汗噴霧 噴霧式的止汗劑質地較輕薄,與走珠式不同的是不用直接接觸皮膚,可以在任何時間使用或補塗。

read more
The secret of beauty

婚紗點揀先至Perfect?

結婚對女孩子來說,最緊張的莫過於挑選一件最完美的嫁衣,但點為知Perfect,就真係令人頭痕,最怕係揀得唔好,「遺憾終生」。 其實,一件好的嫁衣必需內外兼備。靚得黎要有功能。例如已內置girdle及拱紗的婚紗,能突顯你最有自信的部位,隱藏你最介意的地方。又或者,背部綁帶的設計,能進一步修緊整體的線條。 準新娘在結婚前一兩日往往會因為太忙而突然消瘦(其實係減咗水份居多),嫁衣亦不夠時間再改背部綁帶可即時適度調整,同時也有防滑的功效。大部份日本設計的嫁衣正正具備以上的條件,貼心地照顧新娘的需要。 而且,揀嫁衣都要fit返自己性格,舉個例,如果你平時好「型格」,性格又比較強悍,沒理由揀粉紅公主系的晚裝吧!但如果平時比較怕醜,密密實實,想在婚禮中性感一下又另作別論,那反而是驚喜呢! 身高方面,建議骨格均稱、身材高佻的新娘可選擇剪裁貼身,設計較簡約的歐陸式婚紗禮服,因為歐陸式婚紗禮服主要是突顯全身的線條和比例; 如果身型較嬌小的新娘,建議穿著日式、韓式及台式的婚紗禮服,始終亞洲人比較適合穿著亞洲人比例的嫁衣。 身型方面比較的學問就比較多,每位女性身形都有優點和缺點,學懂隱惡揚長,便能散發自信與魅力。 每件婚紗設計應該有一個想突顯身型的重點。如胸部豐滿,V-neckline 是首選 相 反胸部較小者,宜選sweetheart 領位。一向以為Sweetheart shape只適合豐滿的新娘,但原來Sweetheart shape的心形的curve,比low-cut更能轉移視線,增加線條感,使上身看上去有拓闊的效果,同時又可以強調鎖骨的位置,沒有強烈的女人味,卻 增添幾分少女的嫵媚;另外上身較纖細的新娘子亦可選擇一些胸口較多點綴設計如花飾的Sweetheart shape,令視覺上看來更有立體感。 而不想突顯臀部,A-line 是好選擇;想身形看起來更修長,high waistline 的ball gown便較適合,至於 mermaid,只要剪裁得宜,亞洲女性也可 carry 自如,關鍵在於 hip 位剪裁,最理想是包裹 hip 位得來有點鬆。 最後就是配合場合挑選得體而o岩feel的嫁衣。如沙灘婚禮不會穿著拖尾婚紗;草地婚禮不會選擇復古維多利亞式的婚紗;cotail婚禮可挑選輕便、飄逸及較活潑的婚紗等。 無人比你更了解自己,只要依自己的喜好,最啱自己0既,就係最Perfect的。

read more
The secret of beauty

拍拖就無咗friends???

weekend趁M先生唔痴身之滯,嗱嗱臨約啲friend出黎”圍位喂”吹水講是非啦緊係~正所謂三個女人一個”虛”,啱嘴型的死黨,真係一個afternoon tea唔會夠傾,講緊可能係,兩日前聚完一輪,哈哈。 話時話,有唔少女仔單身嗰陣會朋友成群,拍咗拖之後就gathering影都無隻,利申:拍咗拖後會少咗見朋友,但又無plastic thing講得甘誇張0既.朋友?仲係好重要架! (以下內容轉自網絡) 男女大不同之重色輕友你好嘢! 單身嗰時最睇唔過眼啲人重色輕友 一拍拖就成個世界淨係得男朋友 一有時間就通通都留返俾男朋友 淨係想痴住佢 成日都同佢一齊 有無搞錯!當我地啲老友同好姐妹死㗎!有異性無人性!最憎呢啲人㗎啦! 但係風水輪流轉 之後到自己有拖拍 特別係啱啱一齊熱戀期嗰時 就梗會做失蹤少女消失一段時間 唯一嘅消息來源就係facebook同instagram嘅sweetsweet合體相 搵親佢都梗係話唔得閒 下次先 問佢做咩 十次實有九次係約左男朋友 仲有一次係唔好意思講又係約左佢 一個月可能象徵式都會浦一兩次頭 證明自己仲未死仍然存在 以後又要隔唔知幾耐先再見到佢lu 咁當然唔係人人都係咁無情啦 當然無情嘅人亦都唔會永遠都係咁重色輕友 放心啦 呢啲只不過係迷失係愛情遊戲之中嘅過渡期黎嘅姐 佢好快就會出現返㗎啦 係佢分左手又回復單身嗰時 Plastic Thing: https://www.facebook.com/yanip1012 (like我! like我!)

read more
The secret of beauty

結婚禁忌知多少

結婚係人生兩大事之一。一生人一次的大日子,如果你即將踏入幸福小家庭,幾唔信邪,幾唔迷信都好。但身為中國人,某啲禮節禁忌總要守的,無壞架!   上個星期family gathering,啲姨媽姑姐就係講起呢個話題,有啲真係得啖笑,雖然話百無禁忌,但是都係忍唔住同大家分享下,正所謂:「寧可信其有,不可信其無」。唔記得曬呀,唔緊要,將我記得同上網search過的,同大家分享下。     以下就是以我啲姨媽姑姐同網上啲sisters所講撮要出黎架,有啲points實在令我這挺現代人汗顏。     1.某啲月份唔應該結婚,例如:七月(呢個是常識吧?),但6月原來都不適宜結婚,話是有半月妻的意思(咁毒的詛咒?);   2.安床時, 要把床置放正位,忌與桌子衣櫥或任何物件的尖角相對。(呢個都好多人知);   3.訂婚當天,不管天氣有多熱,所有參加訂婚的人,都不可以煽扇子,不然會有拆散的意思。 (諗起對上一次八月做姐妹時… …百無禁忌 百無禁忌);   4.訂婚之文定喜宴完畢後,雙方都不可以說再見,不然會有再婚的意思。(正路);   5.訂婚之文定喜宴完畢後,雙方都不可以說再見,不然會有再婚的意思。(鄉下習俗如是);   6.新娘子離開娘家時,哭得越厲害越好,有哭發哭發,不哭不發的意思。 (以前的年代吧???)   7.結婚當天,新娘出門時,姑嫂均要回避,不能相送,因為”姑”跟”孤”同音,而”嫂”跟”掃”同音, 都不吉利。(… …)   8.結婚當天,任何人都不可以接觸到新床,直到晚上就寢,新娘當天更不可碰到床邊。(前者同意,後者也太容易令人遺忘了吧?)   9.新娘進男家門時,忌腳踏門檻,應要跨過去。(正路)   10.新娘子小心,不要踏到新郎鞋,會有羞夫之意。(正路)   11.新婚四個月內,忌參加任何的婚喪喜慶,以免相犯沖。(鄉下習慣都係咁)   12.新婚四個月內,忌在外過夜。(旅行結婚怎麽辦?)  

read more
Top