home »
Articles posted by Hifuvlifting (Page 5)
The secret of beauty

大日子打醒12分精神 Good Show!

結婚真的不是兩個人的事,擺酒就更加是全世界的事,當全世界焦點都落在一對新人,尤其是新娘子身上的時候,真的不得不打醒十二分精神,今日就搜索了新娘子在大日子應注意的事項: 1.    為了穿著婚紗或晚裝突顯更優美的身段,新娘子會使用Nu bra或Girdle來承托胸部。如果Nu Bra或Girdle戴得不好,引致大細胸、左右胸不對稱或push up的效果不理想。 解決方法: 使用牛皮膠紙貼在Nu Bra下方的位置,將胸部的肉推到中間位置,加强push up效果,讓新娘子穿起婚紗和晚裝更性感。 2.    大部份新娘子在婚期前一天才到婚紗店取婚紗及晚裝,貪一時方便唔試身或婚紗店向你說已將所有禮服已依照你的尺寸更改。 切記要試身,大部份新娘子在婚前唔多唔少總有啲壓力,體重會突然減輕2-3磅,如果婚紗和晚裝唔fit身,「新娘子成日要用手在胸前抽起條婚紗、還有時候露出Nu Bra等尷尬事情。」 解决方法: 帶備大小不同的扣針、衣服專用的雙面膠紙、針線包;當婚紗或晚裝鬆脱時,可以用來固定之用。 3.   雖然一對新人已預先有安排座位表,最慘的事情總會發生,「就係某啲親友或同事唔可以 同一張枱吃飯」,講真一句,一對新人已忙於招呼親友和拍照,那有時間處理?「難道要新人逐個親友安排他們入座」嗎? 解决方法: 找2位兄弟或姊妹盡快安排一些座位是可以調動的或招呼他們一間房間稍事休息,安排合適的座位才通知他們;或一對新人到新娘房開個小會議,商討座位安排。 4.    當結婚當日,遺忘帶備一對結婚戒指,雖然這些事情好像只會在電影電視出現或沒可能發生的事情;但事實往往也會在結婚當日上演。 解决方法: a. 如証婚的時間是下午或晚上,找親友回家或酒店取回結婚介指。 b. 如果需要較多時間才可取回結婚介指,請先通知律師可否延遲証婚時間,到取回後才進行証婚儀式。 C. 如果是最終找不到結婚戒指,就決定再買多一對吧!這時候,金錢能夠解決的問題已不再是問題吧! 5.    現在註冊結婚,除了到註冊處外,很多新人都會請一些証婚律師到婚宴埸地,這是十分方便及省時的做法。一對新人亦較輕鬆和能夠與衆多親友見證簽紙一刻。如果你最近有留意一段新聞,就是有一對新人原先請了一位出名的律師證婚,但這位律師竟然遲到了3個鐘,心諗「你係律師,莫非唔知守時幾重要,時間即係金錢,你要比我還清楚」;而我的新娘亦遇過一些律師因塞車而遲到1個多鐘,苦等了一對新人。當然我們亦經常遇到一些守時又專業的律師,讓一對新人在開心氣氛下完成 証婚儀式。 解決方法: a. 婚禮前一天,給一個warm reminder給律師,確定証婚時間。 b. 婚禮當日,找兄弟或姊妹在証婚前半小時致電給律師,知道是否準時到達。 今日分享住甘多先,下次再傾!

read more
The secret of beauty

讓姐妹陪你美美地出嫁

姊妹應該係新娘最要好的朋友,作為一位體貼同有義氣的新娘,想自己靚之餘,當然都想一班好姊妹於自 己婚禮當日著得靚一靚,分分鐘,如果兄弟同姐妹當中有單身人士,另一段良緣會促成架! 之不過甘,姊妹們一般都並非時裝達人,或者根本未曾做過姊妹,所以她們實在未必懂得點樣揀選姊妹裙。有見及此,我都唔係太叻,不過窮我畢生飽讀各大時裝雜誌及充當2次甘多的姐妹經驗,就獻醜同大家建議下啦!   1. 唔好睇版就決定(特別係淘寶) 大 部分姊妹裙店舖面積較小,所以未能把所有顏色的裙款都展示出來。店主很多時都會取出顏色布版讓準新娘及姊妹們選擇。不過,單憑一小塊布版便做決定是很危險 的。因為一小塊顏色布版跟一整條裙造出來的顏色差別可以很大,例如一小片桃紅色看似很亮麗,然而當整條裙都是桃紅色的話,感覺可能便會很土。如果喺淘寶度 訂,甘更加要睇埋comments同店舖紀錄,e.g.有幾多個crown,發貨多唔多等等 2. 非要現貨參考不可 淘寶除外,決定顏色之前,記得一要參考現貨。有些店主可能未必能即時提供現貨作參考而讓你看顧客的相版。然而,拍攝使用的相機及燈光設定均各有不同,因此,相中裙的顏色跟實物都可能有很大偏差,穩陣起建,一定要看現貨呢! 3. 布料不同 顏色必有偏差 姊 妹裙大部分以色丁 (satin) 及雪紡 (chiffon) 製作而成。曾經身邊有朋友試過本來決定了用淡淡薄荷綠的雪紡造姊妹裙,及後變卦改用色丁,因為希望姊妹裙帶點閃亮效果。最後,製作出來的顏色變成比原先色 階深了好幾度的綠色。一看色版,原來就算選同一顏色,於不同布料上都會呈現很不一樣的效果,所以都是同一句話:「要看現貨才好作決定!」 4. 婚期前六至九個月訂造 訂 造姊妹裙店,大部分的製作時間為二至三個月,所以,最好盡早約齊姊妹們去挑選款式、布料、顏色及度身,以確保姊妹裙能在婚期前完成,即使小店有所延誤也不 會造成大混亂,建議在婚期前六至九個月開始訂造姊妹裙最理想。至於淘寶,預咗一定要修改,甚至要退貨再淘過,所以唔可以太晚去訂. 5. 確保胸部位置夠貼服 及 至姊妹試身,姊妹們一定要確保胸部位置 perfect fit,太鬆的話一定要收緊至貼服,以免婚禮當日離罩走光。別大安旨意以為有防走光膠貼便行,因為很多時當防走光膠貼遇到汗水黏力便會減弱,有貼等於無 貼,所以如果胸部位置已夠貼服的話,就可以連防走光膠貼都慳番。 6. 無肩帶款式要格外留神 如選擇無肩帶款式的姊妹長裙,步行時很多時會因下擺重而令裙往下移,姊妹們就需要時不時把裙向上拉,造成不便不餘,亦相當不雅觀,所以選無肩帶的姊妹裙,試身時便要格外留神,上身盡量要造到貼服。如有肩帶,就要留意肩帶會否過長。 7. 帶同婚禮會穿的鞋度身

read more
The secret of beauty

愛靚都要愛地球啊!

個個女仔都貪靚,如果你係女仔,你就無得否認,只係,個個人貪靚程度都唔同,對靚追求都會唔同。正如我地都貪靚,所以轉季先黎置裝已經唔再有人甘做,開心時買衫,唔開心時又買衫,買下買下,又有幾多真係著過,又有幾多著過一兩次唔再著?   今日睇到段新聞,由香港環保體WWF做的調查顯示:   「在香港,平均每日有217公噸紡織品被運往堆填區。即是有多少?據推動時裝業可持續發展的非政府組織Redress保守估計,這相當於每個小時丟棄1萬件服裝。 這1萬件被丟棄的衣物當中,有多少和我們有關?我們購買的服裝中,可能很多未能物盡其用。可能為了騰出衣櫃空間容納新衫、可能衣服破了一個小洞、可能款式不合時宜,有的舊衣物被「打入冷宮」,有的因此被丟棄。 其 實當你掏錢出來購買新衣服的時候,地球也要為你的舉動而付出代價。生產一公斤棉花需要約2萬公升水,但這棉花量只夠製造一件棉質T恤和一條牛仔 褲!另外,種植棉花所用的殺蟲劑便佔了全球總銷量的24%,最終可能令飲用水受到污染。購物可能為你減壓,但同時這舉動為地球所加添的壓力,你又有否考慮 過?」   原來唔覺唔覺,我地就破壞緊地球了,Too Bad!由今日開始,我決定要節制啲,都要叫身邊人節制啲,唔好買甘多無謂衫褲鞋了!   啊!呢個週末,就乖乖留在家收拾一下舊衣物,捐出去啦!你們都一齊行動麽?

read more
The secret of beauty

不要對世界失去信任

呢幾日看新聞,內地騙徒的手法又層出不窮,今次唔係直接呃錢,而係扮可怜呃人幫忙買車票,然後轉過頭走回去退票。   這令我不禁想起很多年前看過的一套內地劇,名字叫「人在囧途」,戲中男主角就是那種很善良,很容易被人騙的鄉村小伙子,出身及經驗與另一男主角簡直就是天壤之別,而當遇到陌生人需要幫助的時候,小伙子二話不說,沒有半點懷疑地把身上全部的錢都給了別人,而另一男主角卻始終堅持對方是存心想騙小伙子的錢… …   故事結果如何都不重要,而我想講的是,即使呢個世界有太多太多的騙徒,利用我們的同情心或者善心去偷呃拐騙,我們都依然要不斷跟自己說,要堅持自己的信念,呢個世界,總是有需要幫助的人,如果因為這些壞人而令我們去人心失去了希望同信任,呢個世界將會好醜陋。   當然,幫人要量力而為啦,也不能像那小伙子甘,將啲錢俾曬人,搞到自己咩都無,對吧?

read more
The secret of beauty

拍拖就無咗friends???

weekend趁M先生唔痴身之滯,嗱嗱臨約啲friend出黎”圍位喂”吹水講是非啦緊係~正所謂三個女人一個”虛”,啱嘴型的死黨,真係一個afternoon tea唔會夠傾,講緊可能係,兩日前聚完一輪,哈哈。 話時話,有唔少女仔單身嗰陣會朋友成群,拍咗拖之後就gathering影都無隻,利申:拍咗拖後會少咗見朋友,但又無plastic thing講得甘誇張0既.朋友?仲係好重要架! (以下內容轉自網絡) 男女大不同之重色輕友你好嘢! 單身嗰時最睇唔過眼啲人重色輕友 一拍拖就成個世界淨係得男朋友 一有時間就通通都留返俾男朋友 淨係想痴住佢 成日都同佢一齊 有無搞錯!當我地啲老友同好姐妹死㗎!有異性無人性!最憎呢啲人㗎啦! 但係風水輪流轉 之後到自己有拖拍 特別係啱啱一齊熱戀期嗰時 就梗會做失蹤少女消失一段時間 唯一嘅消息來源就係facebook同instagram嘅sweetsweet合體相 搵親佢都梗係話唔得閒 下次先 問佢做咩 十次實有九次係約左男朋友 仲有一次係唔好意思講又係約左佢 一個月可能象徵式都會浦一兩次頭 證明自己仲未死仍然存在 以後又要隔唔知幾耐先再見到佢lu 咁當然唔係人人都係咁無情啦 當然無情嘅人亦都唔會永遠都係咁重色輕友 放心啦 呢啲只不過係迷失係愛情遊戲之中嘅過渡期黎嘅姐 佢好快就會出現返㗎啦 係佢分左手又回復單身嗰時 Plastic Thing: https://www.facebook.com/yanip1012 (like我! like我!)

read more
The secret of beauty

結婚禁忌知多少

結婚係人生兩大事之一。一生人一次的大日子,如果你即將踏入幸福小家庭,幾唔信邪,幾唔迷信都好。但身為中國人,某啲禮節禁忌總要守的,無壞架!   上個星期family gathering,啲姨媽姑姐就係講起呢個話題,有啲真係得啖笑,雖然話百無禁忌,但是都係忍唔住同大家分享下,正所謂:「寧可信其有,不可信其無」。唔記得曬呀,唔緊要,將我記得同上網search過的,同大家分享下。     以下就是以我啲姨媽姑姐同網上啲sisters所講撮要出黎架,有啲points實在令我這挺現代人汗顏。     1.某啲月份唔應該結婚,例如:七月(呢個是常識吧?),但6月原來都不適宜結婚,話是有半月妻的意思(咁毒的詛咒?);   2.安床時, 要把床置放正位,忌與桌子衣櫥或任何物件的尖角相對。(呢個都好多人知);   3.訂婚當天,不管天氣有多熱,所有參加訂婚的人,都不可以煽扇子,不然會有拆散的意思。 (諗起對上一次八月做姐妹時… …百無禁忌 百無禁忌);   4.訂婚之文定喜宴完畢後,雙方都不可以說再見,不然會有再婚的意思。(正路);   5.訂婚之文定喜宴完畢後,雙方都不可以說再見,不然會有再婚的意思。(鄉下習俗如是);   6.新娘子離開娘家時,哭得越厲害越好,有哭發哭發,不哭不發的意思。 (以前的年代吧???)   7.結婚當天,新娘出門時,姑嫂均要回避,不能相送,因為”姑”跟”孤”同音,而”嫂”跟”掃”同音, 都不吉利。(… …)   8.結婚當天,任何人都不可以接觸到新床,直到晚上就寢,新娘當天更不可碰到床邊。(前者同意,後者也太容易令人遺忘了吧?)   9.新娘進男家門時,忌腳踏門檻,應要跨過去。(正路)   10.新娘子小心,不要踏到新郎鞋,會有羞夫之意。(正路)   11.新婚四個月內,忌參加任何的婚喪喜慶,以免相犯沖。(鄉下習慣都係咁)   12.新婚四個月內,忌在外過夜。(旅行結婚怎麽辦?)  

read more
The secret of beauty

影返輯水底婚紗相?!!

講到結婚影婚紗相,講真,我唔想影啲「人有我有版本」0既婚紗相,突然靈機一觸—–水底婚紗相? 係唔係好crazy?哈哈~於是我上網search過有關水底攝影技術,大部份都是影生物,即係好似 Discovery Channel嗰啲呀!其實平時0係雜誌都會見到啲水底攝影相,如果唔要求靚景(e.g.珊瑚),其 實租個泳池都做到。不過水的浮力會令塊面望上去好腫,咁真係要減到好瘦先得喎,仲有就係,雖然 我識游水,但要0係水底擺pose真係有啲難度。 我仲搵到好靚0既相,部份由外國著名的水底攝影師 Sharon Rainis執鏡。睇完好有fantasy。決定 post上黎俾大家睇下啦。俾啲意見/信心我講下可唔可行啦!或者有無其他建議,都可以同我分享下架。 Source from: http://www.photoblog.hk/wordpress/                      http://www.youtube.com/ 呢個video係花絮,水底攝影(潛水版)要做好多preparation架,見到為了怕婚紗浮上黎,要用綁帶的方法固底在腳板… …http://www.youtube.com/watch?v=zpoFukbCrgg#t=45  

read more
The secret of beauty

減緊肥0既您地,加油呀!

    承接尋日篇blog,「7點後拒食減肥真係work!」,先知原來好多sisters都會用呢個方法減肥架,再次同留言俾我0既姐妹打打氣!加油!(btw,呢個時候我已經食完dinner啦,準時收工的好處,哈哈!)           見大家咁感興趣,我再同大家share網上另一位blogger都講緊同一個減肥法的資料先,多咗啲tips,不過佢係講緊8點,應該較適合唔準時收工0既香港人:     8點後進食讓你累積大肥肚 晚上8點後,斷斷續續地吃東西,是發胖的重要原因!尤其如果你習慣在晚上斷斷續續地吃東西,例如邊看電視,邊喝點小酒、吃點零嘴,都很可能在不知不覺間讓你爆卡。 事實上,飲食會不會轉變成脂肪與進食的時間大有關係。身體中的BMALI蛋白質,主要協助脂肪細胞吸收血液中的脂肪成份,成為體脂肪。而BMALI蛋白質,越晚分泌越多。另外,如果晚上很晚才吃晚餐,直到睡覺時都尚未消化完,腸胃就會在深夜持續運作,使睡眠的品質惡化。持續下來,代謝降低,讓體內廢物更不容易排出。   8點後微斷食3大原則 晚上8點後到早上起床前,禁食任何固態食物!另外,酒與有熱量的甜飲,也同樣禁止。不過水和無糖的茶類可自由飲用。 1.早午餐多吃,晚餐份量減半。 8點後微斷食法需將晚餐份量減半到約400卡左右,相對地,早午餐則可吃得比平常稍多。 晚餐通常是3餐中習慣吃最多的1餐,甚至達到800-1000卡。但其實只要早餐與午餐吃得夠多,飽足感高,就算晚餐吃得比較少,不可思議地,肚子也不會太餓。   2.高卡食物於中午食用 早上已經消化完昨晚吃的東西,中午是最不容易囤積體脂肪的時間帶,可多吃點好吃的東西。不用禁食高卡的食物或零食 至於習慣於晚上吃的部份高熱量食物,可改到下午吃。   3.無糖的茶和水可自由飲用 晚上8點後也可飲用無糖的茶和水…等零熱量飲料。但是,為了不給較空的腸胃帶來負擔,最好喝溫的。   注意!千萬不能不吃晚餐! 如果沒吃晚餐,沒有養分足以讓身體分泌能修復受傷細胞、並幫助肌肉增生的成長荷爾蒙,身體就無法進行修補。因此,為了補充養分,就算只有400卡,吃點晚餐還是很重要的!         另外,都發現唔少姐妹會跳鄭多燕減肥健身操,我都有啲興趣學下,貌似不難吧?不過對住youtube學感覺有點呆,呵呵!等weekend study下先!  

read more
The secret of beauty

7點後拒食減肥真係work!

減肥係女人的終身事業,呢排心血來潮又節食了,一年總有幾個星期特別想減肥        呢期我試緊7點後減肥法,個幾星期,肚腩好似真係細咗啲,覺得成個人輕盈咗。應該唔係錯覺,體重都輕咗2磅,我會繼續努力的!各位姐妹唔好打擊我話我減 咗0既只係水份,因為我有權威印證架,追開小S〈康熙來了〉或者羅志祥啲news0既人都知,佢地兩個都用呢種減肥方法架,小S仲話如果每晚都食七成飽的 話,效果會加倍tim!羅志祥(小豬)都話啲佢個樣keep到無乜點老到係因為佢六點後唔食蛋類製成品,(當然,我唔知佢有無打botox或者其他野 啦)。        記住呢個方法唔係真係節食,而係將食飯時間推前,唔一定要七點,當然越早越好。7點後拒食的話,就會食少好多零食,避免吸收過多卡路里,如果你平時飯後睇電視食零食多的話,咁呢個方法應該更適合你啦!        所以,正如專家話劑,要想減輕體重,無須放棄喜愛的食物,重要的是要加以控制。如果偏愛某種食物且食用量大,那就要注意減少每次的分量。不是每週4次,每次200克肉的食用量,而是每次100克,這樣就可以少攝取1200千卡的熱量,可在大約7個半月的時間內明顯減少體重。建議減肥者在廚房放一個秤,貼一條提示標語,注意提醒自己攝取食品的重量。        我會定期update自己的狀況架啦,你地都share啲有效,又唔辛苦(嘻嘻)的「小撇步」俾我啦!         網上有專家列咗十大健康方法,不過有啲就要「多勞多減」啦 仲有份菜單(ignore宵夜0個份如果你用7點後拒食減肥法)俾你地參考下啦: http://blog.tvdramazone.com/post/21/200

read more
The secret of beauty

聖誕婚展

有幾多個姐妹收到下星期0既聖誕婚紗婚宴博覽會0既門票啊?會唔會去呀?M先生公司同事俾佢,佢話唔好浪費喎。你地揀婚紗嗰陣會考慮啲咩呀? 我個人喜好係露背,如果唔係都唔會咁積極減肥,不成功便成仁!哈!最近有留意興啲露一邊腰線0既款… …話說減肥都慢慢見緊效(雖然放慢咗),得閒都會做下鄭多燕,諗住好似中學時間咁晚晚做Sit up就可以收下腰線,right?   不過又露背又露腰線,會唔會too much呢?

read more
Top