home »
Posts tagged "激光脫毛"
The secret of beauty

激光脫毛價錢決定命運:痛?唔痛?

激光脫毛價錢決定命運:痛?唔痛? 上次同大家分享完激光脫毛公司內幕消息後,有唔同少朋友都問我點揀無痛又永久激光脫毛好?又要睇住價錢喎~今日就再斑門弄斧一下教大家點揀無痛又永久嘅激光脫毛儀器。留意:上次都講過755脫毛係對我地最work嘅脫毛技術,所以今次就針對755脫毛同大家講下點揀無痛脫毛技術。 激光脫毛痛唔痛同冷凍掛勾! 其實激光係好高能量架~尤其係755波長,所以以前都有聽表姐話做激光脫毛好痛。但最近上網做下research,發現宜家好多科技都可以將激光脫毛療程做到好舒服架~秘訣在於冷凍方法。 冷凍方法一:敷冰/cooling gel 唔少公司為咗客戶無痛感,會喺做激光脫毛前幫客人敷冰/cooling gel,敷得越來,做激光脫毛時感覺就越細 原因係敷冰會令你啲皮膚麻痺咗,短暫時間無咗感覺,打激光落去嗰下有望無咁大痛楚。但敷得耐會令毛囊都凍埋,咁又會影響激光能量傳遞至毛囊底部,即係好似削弱咗激光能量,咁脫毛效果就會降低,所以一般黎講,呢啲公司都會用啲平價錢俾啲客做多幾次先脫到七七八八。表表者係callar,perface咁。 冷凍方法二:凍風機 再upgrad一層嘅冷凍方法就係用凍風機,感覺無冰同cooling gel咁”凍”,一路打激光一路吹做涷風,希望客人無咁難受。不過同敷冰/cooling gel一樣會令毛囊都凍埋,又會影響激光能量傳遞至毛囊底部,所以又係要做多幾次先斷尾。表表者係dermes,唔研究都唔知原來dermes咁多年咁多客都仲係用緊凍風機,不過都好過用凍gel啦。 冷凍方法三:內置-20度冷凍噴霧 聽網上絲打講,內置冷凍噴霧係目前最新冷凍技術,唔係部部機都可以有呢個內置冷凍系統,係一部叫gentlelase pro le儀器先會有,攞曬專利,其他機想dup都dup唔到。原理就係喺激光打落去前毫幾秒內置噴出-20度Spray, Cool down皮膚又可以balance返激光熱力,但噴出黎啲Spray同呢個技術就好貴,所以價錢唔會平過以上兩種冷凍方法的脫毛儀器。而表表者就有oasis。上網search過,oasis價錢又真係唔平喎,原來係用呢個冷凍方法~仲話係有醫生駐場跟進,咁同去醫生診所做係一樣咁大陣仗咁喎。激光脫毛痛唔痛同冷凍掛勾之餘都同價錢掛勾架,成本關係嘛~ 仲俾我搵到oasis做緊激光脫毛promotion喎: http://goo.gl/gfJPPK 下次再搵多啲資料同優惠俾大家,有咩可以留言/inbox我架~    

read more
The secret of beauty

激光脫毛內幕:永久不永久?

  激光脫毛內幕:永久不永久? 追開我BLOG嘅sis都可能知我成鬼日太得閒就會研究下護膚扮靚TIPS,最近有朋友問我邊間激光脫毛公司好,皆因佢N年前去咗MUSEE做脫毛,做咗幾年都仲係有啲毛生返出黎,最終GIVE UP咗,又聽人講宜家好多公司都做到永久脫毛,即係幾次就KO咗啲毛,唔再生返出黎~ 傻豬黎嘅,脫唔曬的叫”彩光脫毛”! 朋友大概唔知呢個世界脫毛有分”彩光脫毛”同”激光脫毛”頂啦~MUSEE我好好好細個都有試過,因為平得太交關所以join咗,最終係點?唔使講啦。其實彩光脫毛係做唔到永久脫毛嘅,只喺激光脫毛先做到永久脫毛,所以,就係咁囉。 不過彩光脫毛平除咗佢做唔到永久脫毛之外,能量都較低,儀器都無咁先進。 彩光脫毛VS激光脫毛 彩光脫毛嘅原理就係一種非永久性脫毛方法,一束束經過特別過濾的光直接射進毛囊,拖延新毛髮生長,並會令新生嘅毛髮變幼。喺1990年代,彩光脫毛技術喺醫學美容方面尤其盛行,得到了很大嘅發展,因為彩光脫毛好平關係,係比較易入門的脫毛療程,如果只追求減少毛髮數量的話,彩光脫毛都算係一個選擇。彩光脫毛技術發展至今天,市面上已發展出多種彩光脫毛嘅技術。簡單來說,只要非激光脫毛療程嘅光學脫毛療程,都可歸類為彩光脫毛療程。 而激光脫毛嘅原理係用波長808或者755激光波長打入毛囊底部去破壞毛囊組織,杜絶毛髮再生,因為激光能量集中,所以做到永久脫毛,而市面上宜家最先進嘅激光脫毛儀器就係CANDELA GENTLELASE PRO LE 755nm激光脫毛儀啦~佢除咗最TOP激光脫毛科技,最重要係有內置專業DCD冷凍系統,同其他舊款激光脫毛機有咩唔同?就係成部機用置咗可以喺激光發射前用-20度COOLING AGENT先COOL表面,再發激光,一冷一熱啱啱好LEVEL啲激光灼熱感,又唔影響激光傳到毛囊底部能量,所以係目前做到最舒適架啦~ 不過要留意係即使CANDELA GENTLELASE PRO LE 755nm激光脫毛儀咁高效,都要醫生主理先安全,香港目前都唔多有駐場醫生的脫毛中心,而OASIS MEDICAL係其中一間,有興趣可以試下: http://goo.gl/gfJPPK     

read more
The secret of beauty

朋友的感情煩惱

最近有個閏密同拍咗拖3年的”穩定”男朋友分咗手,應該係話,閏密一路都覺得好穩定,兩三日見一次,weekend又糖痴豆咁,對方提出分手,閏密真係以為佢講笑,分手原因係覺得大家感情淡咗,無咗熱情同激情。   所 以呢排都忙緊陪呢個死黨,見到佢喊曬口甘問:”點解3年感情,可以話無就無?”我真係替佢感到心痛,我唔敢再問真正分手原因,其實心底裡,我完全唔覺得感 情淡咗,感情無咗就無咗呢啲bull shit!甚至乎,我真係幾pretty sure呢段感情係有第三者出現先開始改變,男人,如果抵擋得住誘惑先叫專一,如果唔係,有陣時”穩定交往”只可以歸究於”沒有情敵”。   兩個人相處的事,旁人係無資格去俾啲咩意見,既然都分咗,對方又無意想回頭,甘… …就唯有陪閏密度過呢個人生中每個人都可能會經歷過若干次的階段吧。 姐妹,要振作呀!  

read more
The secret of beauty

不要對世界失去信任

呢幾日看新聞,內地騙徒的手法又層出不窮,今次唔係直接呃錢,而係扮可怜呃人幫忙買車票,然後轉過頭走回去退票。   這令我不禁想起很多年前看過的一套內地劇,名字叫「人在囧途」,戲中男主角就是那種很善良,很容易被人騙的鄉村小伙子,出身及經驗與另一男主角簡直就是天壤之別,而當遇到陌生人需要幫助的時候,小伙子二話不說,沒有半點懷疑地把身上全部的錢都給了別人,而另一男主角卻始終堅持對方是存心想騙小伙子的錢… …   故事結果如何都不重要,而我想講的是,即使呢個世界有太多太多的騙徒,利用我們的同情心或者善心去偷呃拐騙,我們都依然要不斷跟自己說,要堅持自己的信念,呢個世界,總是有需要幫助的人,如果因為這些壞人而令我們去人心失去了希望同信任,呢個世界將會好醜陋。   當然,幫人要量力而為啦,也不能像那小伙子甘,將啲錢俾曬人,搞到自己咩都無,對吧?

read more
The secret of beauty

拍拖就無咗friends???

weekend趁M先生唔痴身之滯,嗱嗱臨約啲friend出黎”圍位喂”吹水講是非啦緊係~正所謂三個女人一個”虛”,啱嘴型的死黨,真係一個afternoon tea唔會夠傾,講緊可能係,兩日前聚完一輪,哈哈。 話時話,有唔少女仔單身嗰陣會朋友成群,拍咗拖之後就gathering影都無隻,利申:拍咗拖後會少咗見朋友,但又無plastic thing講得甘誇張0既.朋友?仲係好重要架! (以下內容轉自網絡) 男女大不同之重色輕友你好嘢! 單身嗰時最睇唔過眼啲人重色輕友 一拍拖就成個世界淨係得男朋友 一有時間就通通都留返俾男朋友 淨係想痴住佢 成日都同佢一齊 有無搞錯!當我地啲老友同好姐妹死㗎!有異性無人性!最憎呢啲人㗎啦! 但係風水輪流轉 之後到自己有拖拍 特別係啱啱一齊熱戀期嗰時 就梗會做失蹤少女消失一段時間 唯一嘅消息來源就係facebook同instagram嘅sweetsweet合體相 搵親佢都梗係話唔得閒 下次先 問佢做咩 十次實有九次係約左男朋友 仲有一次係唔好意思講又係約左佢 一個月可能象徵式都會浦一兩次頭 證明自己仲未死仍然存在 以後又要隔唔知幾耐先再見到佢lu 咁當然唔係人人都係咁無情啦 當然無情嘅人亦都唔會永遠都係咁重色輕友 放心啦 呢啲只不過係迷失係愛情遊戲之中嘅過渡期黎嘅姐 佢好快就會出現返㗎啦 係佢分左手又回復單身嗰時 Plastic Thing: https://www.facebook.com/yanip1012 (like我! like我!)

read more
The secret of beauty

結婚禁忌知多少

結婚係人生兩大事之一。一生人一次的大日子,如果你即將踏入幸福小家庭,幾唔信邪,幾唔迷信都好。但身為中國人,某啲禮節禁忌總要守的,無壞架!   上個星期family gathering,啲姨媽姑姐就係講起呢個話題,有啲真係得啖笑,雖然話百無禁忌,但是都係忍唔住同大家分享下,正所謂:「寧可信其有,不可信其無」。唔記得曬呀,唔緊要,將我記得同上網search過的,同大家分享下。     以下就是以我啲姨媽姑姐同網上啲sisters所講撮要出黎架,有啲points實在令我這挺現代人汗顏。     1.某啲月份唔應該結婚,例如:七月(呢個是常識吧?),但6月原來都不適宜結婚,話是有半月妻的意思(咁毒的詛咒?);   2.安床時, 要把床置放正位,忌與桌子衣櫥或任何物件的尖角相對。(呢個都好多人知);   3.訂婚當天,不管天氣有多熱,所有參加訂婚的人,都不可以煽扇子,不然會有拆散的意思。 (諗起對上一次八月做姐妹時… …百無禁忌 百無禁忌);   4.訂婚之文定喜宴完畢後,雙方都不可以說再見,不然會有再婚的意思。(正路);   5.訂婚之文定喜宴完畢後,雙方都不可以說再見,不然會有再婚的意思。(鄉下習俗如是);   6.新娘子離開娘家時,哭得越厲害越好,有哭發哭發,不哭不發的意思。 (以前的年代吧???)   7.結婚當天,新娘出門時,姑嫂均要回避,不能相送,因為”姑”跟”孤”同音,而”嫂”跟”掃”同音, 都不吉利。(… …)   8.結婚當天,任何人都不可以接觸到新床,直到晚上就寢,新娘當天更不可碰到床邊。(前者同意,後者也太容易令人遺忘了吧?)   9.新娘進男家門時,忌腳踏門檻,應要跨過去。(正路)   10.新娘子小心,不要踏到新郎鞋,會有羞夫之意。(正路)   11.新婚四個月內,忌參加任何的婚喪喜慶,以免相犯沖。(鄉下習慣都係咁)   12.新婚四個月內,忌在外過夜。(旅行結婚怎麽辦?)  

read more
The secret of beauty

7點後拒食減肥真係work!

減肥係女人的終身事業,呢排心血來潮又節食了,一年總有幾個星期特別想減肥        呢期我試緊7點後減肥法,個幾星期,肚腩好似真係細咗啲,覺得成個人輕盈咗。應該唔係錯覺,體重都輕咗2磅,我會繼續努力的!各位姐妹唔好打擊我話我減 咗0既只係水份,因為我有權威印證架,追開小S〈康熙來了〉或者羅志祥啲news0既人都知,佢地兩個都用呢種減肥方法架,小S仲話如果每晚都食七成飽的 話,效果會加倍tim!羅志祥(小豬)都話啲佢個樣keep到無乜點老到係因為佢六點後唔食蛋類製成品,(當然,我唔知佢有無打botox或者其他野 啦)。        記住呢個方法唔係真係節食,而係將食飯時間推前,唔一定要七點,當然越早越好。7點後拒食的話,就會食少好多零食,避免吸收過多卡路里,如果你平時飯後睇電視食零食多的話,咁呢個方法應該更適合你啦!        所以,正如專家話劑,要想減輕體重,無須放棄喜愛的食物,重要的是要加以控制。如果偏愛某種食物且食用量大,那就要注意減少每次的分量。不是每週4次,每次200克肉的食用量,而是每次100克,這樣就可以少攝取1200千卡的熱量,可在大約7個半月的時間內明顯減少體重。建議減肥者在廚房放一個秤,貼一條提示標語,注意提醒自己攝取食品的重量。        我會定期update自己的狀況架啦,你地都share啲有效,又唔辛苦(嘻嘻)的「小撇步」俾我啦!         網上有專家列咗十大健康方法,不過有啲就要「多勞多減」啦 仲有份菜單(ignore宵夜0個份如果你用7點後拒食減肥法)俾你地參考下啦: http://blog.tvdramazone.com/post/21/200

read more
The secret of beauty

聖誕婚展

有幾多個姐妹收到下星期0既聖誕婚紗婚宴博覽會0既門票啊?會唔會去呀?M先生公司同事俾佢,佢話唔好浪費喎。你地揀婚紗嗰陣會考慮啲咩呀? 我個人喜好係露背,如果唔係都唔會咁積極減肥,不成功便成仁!哈!最近有留意興啲露一邊腰線0既款… …話說減肥都慢慢見緊效(雖然放慢咗),得閒都會做下鄭多燕,諗住好似中學時間咁晚晚做Sit up就可以收下腰線,right?   不過又露背又露腰線,會唔會too much呢?

read more
Top